11 лютага 2017 г. – 210 гадоў з дня нараджэння Напалеона Орды (1807–1883), кампазітара, піяніста, мастака, педагога, літаратара
Напалеон Орда – выдатны піяніст, кампазітар, мастак, педагог, публіцыст. Вялікі грамадзянін Еўропы з Варацэвічаў сваёй нястомнай дзейнасцю, усім, што паспеў зрабіць за сваё больш чым паўвекавое творчае жыццё, выклікае гонар і павагу ў сэрцах нашчадкаў. У якім бы мастацтве ён ні тварыў, усюды ўражвае дасканаласцю і высокімі пачуццямі. Спадчына Н. Орды настолькі вялікая і значная, што сучаснікі па праву называлі яго зоркай першай велічыні еўрапейскай культуры XIX ст., творчасць, на думку многіх, належыць розным народам і культурам.
1 лютага 2017 г. – 75 гадоў з дня нараджэння Ларысы Дзмітрыеўны Глазырынай (1942), вучонага ў галіне педагогікі, акадэміка Міжнароднай акадэміі навук вышэйшай школы
Ларыса Дзмітрыеўна Глазырына нарадзілася 1 лютага 1942 года ў г. Брэсце ў сям’і служачага. У 1963 годзе скончыла Беларускі дзяржаўны інстытут фізічнай культуры па спецыяльнасці «Фізічная культура і спорт». Працавала настаўнікам у СШ № 11 г. Мінска.
У 1969–1976 гадах выкладала ў Мінскім дзяржаўным педагагічным інстытуце імя А. М. Горкага. У 1976 годзе Л. Д. Глазырына абараніла кандыдацкую дысертацыю па праблеме выхавання грамадскай актыўнасці малодшых школьнікаў. З 1976 па 1996 гады працавала ў БДУФК дацэнтам, прафесарам, загадчыкам кафедры тэорыі і методыкі фізічнага выхавання.
8 лістапада 2016 г. — 60 гадоў з дня нараджэння Уладзіміра Васільевіча Здановіча (1956), гісторыка, педагога, выдатніка адукацыі Рэспублікі Беларусь (2011)
Уладзімір Васільевіч Здановіч нарадзіўся 8 лістапада 1956 года ў вёсцы Пляхаўшчына Бярозаўскага раёна Брэсцкай вобласці ў сялянскай сям’і. Скончыў Сялецкую сярэднюю школу (1973). Працаваў рабочым на маторарамонтным заводзе ў Бярозе, у Сігневіцкім будаўніча-мантажным упраўленні. У 1974–1976 гадах праходзіў службу ў Савецкай арміі, пасля вяртання год працаваў токарам у бярозаўскай «Сельгастэхніцы».
19 жніўня 2016 года – 75 гадоў з дня нараджэння Адама Асманавіча Мурзіча (1941), педагога па вакалу, заслужанага работніка культуры Беларусі, мастацкага кіраўніка Беларускага дзяржаўнага акадэмічнага музычнага тэатра
Адам Асманавіч Мурзіч нарадзіўся 19 жніўня 1941 года ў горадзе Ляхавічы Баранавіцкай (цяпер Брэсцкай) вобласці. З дзяцінства любіў музыку, слухаў оперы на пласцінках і па радыё, спяваў у самадзейнасці. Першым з прафесіяналаў яго вакальны талент заўважыў Леў Палікарпавіч Лях, які тады працаваў ў Ляхавіцкім Доме культуры. Адам Мурзіч вучыўся ў вячэрняй школе і працаваў, не збіраўся займацца музыкай.
5 жніўня 2016 г. – 70 гадоў з дня нараджэння Уладзіміра Андрэевіча Мішчанчука (1946), акцёра тэатра і кіно, педагога, заслужанага артыста БССР, лаўрэата спецыяльнай прэміі Прэзідэнта Рэспублікі Беларусь (2012), прэміі Федэрацыі прафсаюзаў Белару
Уладзімір Андрэевіч Мішчанчукнарадзіўся 5 жніўня 1946 года ў вёсцы Валавель Драгічынскага раёна Брэсцкай вобласці ў шматдзетнай сялянскай сям’і. У школе Валодзю навучылі любіць літаратуру, тэатр, ён ахвотна наведваў тэатральны гурток, канешне, любіў кіно.
10 мая 2016 г. – 80 гадоў з дня нараджэння Аляксандра Адамавіча Краўчука (1936–2014), мастака тэатра, педагога
Аляксандр Адамавіч Краўчук нарадзіўся 10 мая 1936 года ў г. Брэсце-над-Бугам (цяпер Брэст) у рабочай сям’і. У шасцігадовым узросце Саша Краўчук знайшоў гранату, якая раптоўна ўзарвалася. У выніку няшчаснага выпадку застаўся без прадплечча левай рукі; калі стаў дарослым, дык насiў пратэз.
17 лютага 2016 г. – 65 гадоў з дня нараджэння Уладзіміра Дзмітрыевіча Тулупава (1951), мастака, педагога
Уладзімір Дзмітрыевіч Тулупаў нарадзіўся 17 лютага 1951 года ў г. Брэсце ў сям’і служачых. Схільнасць да малявання ва Уладзіміра праявілася рана, але толькі ў 15 гадоў трапіў у студыю выяўленчага мастацтва выдатнага педагога Міхаіла Сяргеевіча Талмачова (1922–1998) пры абласным Доме піянераў і школьнікаў.
11 сакавіка 2016 года – 75 гадоў з дня нараджэння Мікалая Міронавіча Плескацэвіча (1941), вучонага ў галіне педагогікі, заслужанага работніка адукацыі Беларусі
Мікалай Міронавіч Плескацэвіч нарадзіўся 11 сакавіка 1941 года ў вёсцы Мінічы Ляхавіцкага раёна Баранавіцкай (цяпер Брэсцкай) вобласці. У 1958 годзе закончыў Мядзведзіцкую сярэднюю школу.
24 мая 2016 г. – 80 гадоў з дня нараджэння Канстанціна Васільевіча Дроня (1936–2015), педагога, паэта
Канстанцін Васільевіч Дронь нарадзіўся 24 мая 1936 года ў вёсцы Ківачына Палескага ваяводства (цяпер Шарашоўскага сельсавета Пружанскага раёна Брэсцкай вобласці). Дзяцінства і юнацтва прайшло ў вёсцы Белы Лясок, якая знаходзіцца на ўскрайку Белавежскай пушчы. У гады Вялікай Айчыннай вайны бацькі дапамагалі партызанам. Загінуў пад Варшавай яго старэйшы брат, другі брат атрымаў раненне на фронце.
18 мая 2016 г. – 70 гадоў з дня нараджэння Васіля Уладзіміравіча Гадулькі (1946–1993), паэта, перакладчыка, педагога
Васіль Уладзіміравіч Гадулька нарадзіўся 18 мая 1946 года ў вёсцы Федзькавічы Жабінкаўскага раёна Брэсцкай вобласці ў сялянскай сям’і. Маці, Еўдакія Парфенаўна, і бацька, Уладзімір Данілавіч, працавалі ў саўгасе “Беларусь”. Васіль вучыўся ў Рагазнянскай сямігодцы, якую скончыў на выдатна, а потым – у Жабінкаўскай сярэдняй школе.